Manifestazio bukaeran Bai Euskal Herriari ekimeneko kide batek hitza hartuko du. Espainiar banderaren inposaketak erabakitzeko eskubidea "ukatzen" duela salatzeko.
Amaitzeko, manifestazioan parte hartu duten alkateak Bergarako udaletxera igoko dira, eta Ikurrina zintzilikatuko dute balkoian.
Sinadura bilketa
Udal ordezkariekin batera, hainbat sindikatu eta eragilek egin dute bat biharko ekitaldiarekin; besteak beste, LAB, EHNE eta ESK sindikatuek, eta AHT Gelditu! Elkarlanak, Euskal Herriak Bere Eskolak (EHBE), Etxerat elkarteak, Bergara Kirol Elkarteak, Lokatza Txirrindulari taldeak, Ikasle Abertzaleak eta Komite Internazionalistak.
Biharko ekitaldia borobiltzeko Geurea Ikurrina kanpainaren barruan sinadura bilketa egingo dute. Atxikimenduak Internet bidez ere egin daitezke http://www.baieuskalherriari.org/geureaikurrina helbidean.