Lotura afektiboen gaineko ikastaroa, emakumeendako

Ongizate sailak antolatu du eta izenematea zabalik dago, doan

Udaleko Gizarte Ongizate departamenduak emakumeei zuzendutako lotura afektiboen gaineko ikastaroa antolatu du. Harreman afektiboak nola sortzen ditugun aztertu eta landuko da Ongizate sailak antolatutako ikastaroan.

Hiru helburu

Ikastaroaren helburuak hiru dira: batetik, eredu tradizionalak aztertzea; bestetik, lotura afektiboak eraikitzeko dugun moduaz kontzientzia hartzea, eta azkenik,  erlazioen transformazioa indartzea.

Hainbat gai landuko dira

Hori, horrela izanik, besteak beste honako gaiak landuko dira ikastaroan: rolak eta estereotipoak; autoestimua eta erlazioak; gune pertsonala: dependentea/independentea; maitasuna eta dependentzia emozionala; eredu tradizionalak; eredu berria eta harremanak besteekin.

Izenematea

Ikastaroa apirilaren 20an hasi eta ekainaren 22an amaituko da; astelehenetan 15:00etatik 17:00etara eta saioak izango dira kultura etxean. Plaza mugatuak dira, hortaz izena lehenbailehen ematea gomendatu dute Udaletik. Bestalde, doan da eta gaian interesa duen edozein emakumeri irekita dago. Informazio gehiagorako eta izena emateko Gizarte Zerbitzuetara zuzendu edo deitu 943 77 91 65 telefono zenbakira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.