Elkartekoek adierazi digute Gipuzkoako Lorategi Historiko gehienak desagertu egin direla, baina "Bergaran oraindik batzuk ditugula eta balio handia dutela eta zaindu egin behar direla". Elkarteko kideak urteak daramatzate "gure Lorategi Historiko publikoen babesa eta kudeaketa egokia bultzatzen". 2006an, Udalaren partetik erantzun egokirik ikusten ez zutenez, Eusko Jaurlaritzari eskatu zioten Errekalde, Irizar eta Untzeta jauregietako lorategiak babestea.
Etxe garrantzitsuak desagertu
Beraien ustez, "kezkagarria da, gure herriko historian zehar, ondarezko balio handia zuten gune, fatxada eta monumentuekin egindako akats tamalgarria.
Horren lekuko, "1919an Bidekurutzetako Zabala etxea ospetsuaren desagertzea, edo Errotalde Jauregiko balio garrantzitsua zuen Lorategi historikoko etengabeko degradazioa", adierazi dute.
Taldeak ekimen honekin bi urte inguru daramatza, baina beraien kezka urrunagotik dator. Taldearen arabera, "aipatutako ekimenaren aurrean udal agintarien aldeko erantzunik ez dute jasotzen eta babesa ez da iristen". Taldeak uste du arduragabekeria larria izango litzatekeela, utzikeriagatik edo kalkulu politiko hutsagatik, Errekalde edo Untzeta Lorategi Historiko bezala betirako galtzea. Horiek, "gure belaunaldiak jaso dituen guneak dira, Bergara berebiziko toki eta bizitzeko leku atsegina egiten dutenak", esan dute.
Ekimenaren informazioa
Ekimenaren inguruko informazio gehiago jaso nahi duenak, www.blhekimena.org webgunean sartzeko aukera dauka, "egiten ari garen ahalegina zein den ezagutu eta guztion artean Bergaran kalitatezko gune publikoak, atseginak eta bizitzeko intesgarriak izan ditzagun".