Lau t´erdiko Soraluce Txapelketak ikusmin handia piztu du herriko eta inguruko pilota zaleen artean. Gaurko jaialdian erabakiko dira datorren martitzeneko finalistak zeintzuk izango diren. Galtzaileek, berriz, hirugarren eta laugarren posturako partidua jokatuko dute hurrengo astean.
Gaurko lehenbiziko partiduan Yoldi nafarra eta Larrañaga azpeitiarra izango dira aurrez aurre. Biak ere txapelketako faborito nagusien artean ditugu. DVko Txapelketako finalean Larrañaga nagusitu zitzaion Yoldiri eta gaur errebantxa bila kantxaratuko da nafarra.
Bigarren finalerdiko protagonistek Elgetako lau t´erdiko finala jokatu zuten 2007. urtean. Orduan Mendizabal antzuolarra gailendu zitzaion Onsalori.
Gaurko jaialdirako sarrera debaldekoa izango da.