Organo erromantikoaren 11. aldia Donostiako Koldo Mitxelenan aurkeztu zuten atzo.
Beste urte batez, munduko organista ospetsuenek joko dute San Pedro parrokiako organo erromantikoa; hain justu ere, Ana Gartziak, David Maletek, Josep Maria Masek eta Aitor Oleak.
Berritzeko lanak atzeratuta
Aurrez pentsatu ez bezala organo erromantikoaren zikloak lekua izango du Bergaran. Iazko emanaldiak bukatu orduko aurreratu zuten, 2010ean ez zela kontzerturik egingo San Pedro elizan. Parrokia zaharberritzeko prozesuan zegoela aprobetxatuz, organoa ere berritu egingo zutela aurreratu zuten. Baina, organo kontzertuak egon egongo dira Bergaran. Maider Osa kultura teknikariak eman digu arrazoia: "Parrokiako lanak atzeratuta daude, eta ondorioz organoa berritzeko lanak ere. Ikusi genuen posible zela kontzertua San Pedron egitea. Herritarren erantzuna oso ona da, eta aurten ere aukera izango dute organo-jole onenak entzuteko".