Laino skate parkea jendez bete zen, inaugurazio egunean

Atzo, egubakoitza, inauguratu zuten Laino, skate erakustaldi batekin eta musika festarekin. Nerabe eta gazte mordoa batu zen eta gozatu egin zuten Iban Rivado, Alain Goikoetxea edota Ibon Mariñoren saioei begira. Espainiako skaterrik onenetakoak dira eta, atzo ere, bikain aritu ziren. Behin erakustaldia bukatuta, zuzeneko kontzertuen txanda izan zen.

Bergarako, Debagoieneko, Gipuzkoako, Bizkaiko eta Arabako jendea izan zen atzo Lainon eta aurrerantzean ere bertako nahiz kanpoko jende asko espero dute Hodei Elexpuru eta Alex Molano skate parke berriaren arduradunek. Izan ere, AEBetan eta Europan badira skate parke estaliak, baina Bergarakoa lehena da Espainian.

Patinatzeko guneak 300 metro koadro inguru ditu eta bertan U formako bi malda eta street gunea –kalea imitatzen duena– daude. Taberna eta skate materiala saltzeko denda ere jarri dituzte.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.