Kriket partidurako animatzeko deia

Ekainaren 6, 7 eta 8an ospatuko da Mundumira Bergaran eta jaialdi horretarako kriket partidua antolatu guran dabiltza. Momentuz, ekimena aurrera aterako den zalantzan dago, ordea; jendea animatu ezinean dabiltzala adierazi digute antolakuntzatik.

Ondorioz, bihar, domeka, pakistandarrek bergararrei jokoaren arauak erakusteko egitekoa zen entrenamendu saioa bertan behera geratu da. Ekimenaren bultzatzaileek ez dute itxaropena galdu, ordea; aste honetan herriko koadrilak animatzen saiatuko direla aurreratu digute. Baldin eta taldea osatzen bada, datorren asteburuan entrenatuko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.