Antolatzaileek diote partiduko polita jokatuko dutela bi taldeek: "Akabaoak taldeak joko polita egin du liga eta kopa txapelketatan. Joko azkarra eta zuena egiten dute. Zigalikatisek ordea, Akabaoak taldeko izarrak geratzeko ahalegina egingo du. Partidua gogorra izango da, baina ikusleendako ederra. Gainera liga irabazi ondoren, Akabaoak taldeak denboraldiko bigarren titulua irabaz dezake", esan digu antolaketa taldeko Pedro Zafrak.
Finalerdiak
Labegaraietako kopa txapelketako finalerdiak aurreko aste bukaeran jokatu zituzten.
Lehenengoa arrasatearren arteko finalerdia izan zen. Hain zuzen ere, Zigalikatis eta Carboneros taldeak lehiatu ziren. Carboneros taldeak agindu zuen minutu gehienetan markagailuan, baina Zigalikatisek binako berdinketa egin zuen lehia bukatzeko hiru minutu falta zirela. Penalti jaurtiketatan Zigalikatis izan zen hobea eta finalerako txartela lortu zuen.
Bigarren finalerdian ligako txapeldun Akabaoak eta Los Latinos taldeak lehiatu ziren. 10-5 irabazi zuen Akabaoak, baina gauzak zail jarri zizkioten Los Latinos taldekoek. Eurek egin zituzten gol aukera gehien baina Akabaoak taldeko atezain Jose Miguel Calle izan zen jokalari onena. Denboraldiko talde indartsuena izan direla erakutsi zuten.