Kontseiluaren urtemuga festarako autobusak antolatuko dituzte ibarretik

Kontseiluak hamar urte bete ditu, eta abenduaren 13an festa erraldoia egingo dute BEC-en. Horren harira, Arrasateko Euskalgintzak autobusak antolatuko ditu. Interesatuek izenak AED-n, AEK-n eta Elkar mega dendetan eman behar dute, eta 10 euro ordaindu. Festara sartzeko gonbidapena beharrezkoa da. Arrasatetik autobusez joaten direnek, gonbidapena eta lehentasuna izango dute BEC-en sartzeko.

Eneko Olasagastik dihardu antolaketa lanak egiten. Kontseiluak Euskaraz bai leloak irudikatu gura duen pausoa nolako behar duen azalduko du, hitzez, imajinaz eta gogoangarria izango den ekitaldi ikusgarri baten bidez.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.