Komenioko lur azpiko ontziak martxan daude

Komenio kalean jarri dituzten lur azpiko edukiontziak martxan daude. Sei jarri dituzte: hiru zabor organikoa jasotzeko, eta beira, papera eta plastikoa batuko duten beste bana. Bergaran jarri dituzten bigarrenak dira; Ibargarai kalekoak maiatzetik erabili daitezke.
 
Edukiontzi hauek kamioak atzean duen igogailuarekin hustuko dituzte. Zaborra jasoko dutenak, adibidez, bakoitzak 1.200 litroko edukiera duten bi ontzi dituzte barruan. Birziklatzeko den hondakina jasotzen dutenak, berriz, lau metro kubikoko edukiera dute. Zaborrontziak hiru astetik behin garbituko dituzte eta besteak hiru hilabetean behin, mantenu lanak egitearekin batera. Bideberrin eta Domingo Iralan ere badute jartzeko asmoa.