Kirol talde eta elkarteendako 2009ko diru laguntzen oinarriak kaleratu berri ditu Udalak. Laguntzok dira Bergaran zein Debagoienean –beti ere kirol modalitate horretako entitaterik ez badago Bergaran– egoitza duten eta bergararrekin diharduten irabazi asmorik gabeko kirol entitateendako. Bai eskola kirolean, bai guztiendako kirolean zein kirol federatuaren alorrean jarduerak antolatzen dituztela ere.
Bi laguntza mota
Udalak 2009 urtean 110.000 euro bideratu ditu laguntzotarako: 60.000 euro, elkarteen egituraketarako eta gainerako 50.000 euroak, izaera bereziko edo noizean behineko kirol jardueretarako.
Diru laguntza eskatzen duen taldeak ondoko baldintza orokorrak bete behar ditu: batetik, bergararrekin diharduen irabazi asmorik gabeko kirol entitatea izan behar da; bestetik, dagokien erregistroetan erregistratuta egitea.
Eskariak aurkezteko modua
Eskariak aurkeztu behar dira irailaren 21ean baino lehen, horretarako prestatu dituzten inprimakiekin batera. Inprimakiok eskuragarri daude Agorrosin Ekintza Gunean edo www.bergara.net helbidean.
Eskaerak aurkezteko ordutegia da astelehenetik egubakoitzera, 09:00-13:00, udaletxeko erregistro orokorrean.
Diru laguntza hauen oinarriak eskura daitezke www.bergara.net helbidean.