Kirol elkarteendako 2007ko dirulaguntzak

Udalak onartu ditu dagoeneko kirol elkarteendako 2007ko dirulaguntzak. Udalak 65.000 euro izendatu zituen kirol elkarteen artean banatzeko eta, besteak beste, elkarte bakoitzeko kirol-lizentzia kopurua, elkarte bakoitzak dituen modalitate ezberdinak, entrenatzaile lizentzia kopuruak, bazkide kopurua eta hauen diru ekarpena eta taldeen aurrekontua izan dituzte kontuan.

 

Aurrekontuari dagokionez, entitate pribatuetako dirulaguntza duten taldeak saritu dituzte bereziki. Udaleko iturrien arabera, banaketa justua egitea eta jolaserako diren kirolak ere saritzea izan dira helburuetako bi. Lehengo balorazio sistemak zaharkituta zeuden eta egoera berrira egokitzeko irizpide berriak zehaztu dituzte. Jasotako datuen arabera, gaur egun 31 kirol elkarte daude Bergaran eta azkenaldian hainbat talde berri sortu dira herrian, tartean Hanka Labanka patinzaleena, skate taldea edo karate talde berriak.

 

Honako laguntzak onartu ditu Udalak:

 

Lokatza    3.217 euro

Badminton    541 euro

Pol-Pol    4.540 euro

BTLS KE    4.109 euro

BKE Futbola    13.579 euro

BKE Saskibaloia    4.109 euro

BKE Eskubaloia    4.811 euro

BKE Pilota    5.462 euro

Igeri Elkartea    3.909 euro

Antxintxika    4.861 euro

K-Tri    188 euro

Skate    802 euro

Ariznoa    4.861 euro

Shotokan    5.011 euro

 

Iturria: Udaleko Kirol Zerbitzua.

 

Bestalde, goian aipatutako dirulaguntzez gain, Udalak honako diru partidak zuzenduko dizkie taldeei, herrian antolatutako kirol probengatik: Antxintxika (1.950 euro); BKE, eskubaloi saila (893 euro); BKE, futbola (2.317 euro); BKE, pilota (7.789 euro); Ariznoa gimnasia erritmikoa (360); Hanka Labanka (286 euro); Bergarako Automobil Elkartea (500); Oilagorra (936); Karate Shotokan (290); Bergara Igeri Elkartea (200), Lokatza (8.824 euro), Beti Busti (300) eta, azkenik, Xake elkarteari 1.509 euro.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.