Kilometroak jaiaren helburuetako bat festa herriarena ere izatea zen eta bete dutelakoan daude: "Urtean zehar 200 bergarar baino gehiagok eta egunean 1.700 boluntariok egin duelako lan, Aranzadirekin batera, proiektu hau aurrera eramateko."
Jendea biltzea ere lortu zutela diote Aranzadikoek. Datu batzuk eman dituzte. Egun horretan 200 autobus eta 10.000 auto inguru gerturatu ziren Bergarara eta 70.000 edalontzi berrerabilgarri erabili ziren.
Lortutako sostengu ekonomikoarekin ere pozik daudela azaldu dute nahiz eta ez duten jakitera eman zein den batutako diru kopurua; sarrerak bai, baina irteerak oraindik ez dira bukatu, ordainketekin ari dira.