Herritarrak protagonista
Herriko talde askok parte hartu zuten jaialdian. Abesbatza eta musika taldeak, batetik: San Joxepe abesbatza, Aritzeta abesbatza, Aranzadiko neska-mutikoak 1991ko Kilometroetako kanta abesten, Alai taldea, Emon taldea eta musika eskolako haurren abesbatza. Dantza taldeak, bestetik: Osintxuko dantza taldea osatzen duten guraso eta umeak, Ariznoa gimnasia erritmiko taldea eta Abarka dantza taldekoak. Txalapartari eta bertsolariak ere egon ziren.
Kilometroetako kanta
Bi ordu pasatxo iraun zuen jaialdiaren amaieran aurkeztu zuten aurtengo Kilometroetako kanta. Hemen ikus dezakezue momentua:
Hogei lagunetik gora parte hartu dute abestian: Belceblues taldeko hiru kideek, haize laukoteak, piano eta biolin-jole banak, Aranzadi ikastolako umeen koruak eta Uxue Rodriguez eta Aitzol Mujikak.