Festa hasteko binakako eslalom txapelketa egingo dute, 18:00etan. Hain zuzen ere, K1, C1, kadete, junior eta senior mailetako neska-mutikoek parte hartuko dute. Finalak 22:15ean egingo dituzte. Tartean, 21:30ean, Forondako (Bizkaia) talde batek 2007. urteko udaberrian Coloradoko arroilan (kanoian) egindako jaitsierari buruzko dokumentala ikusteko aukera izango dugu. 15 egunean kayakak eta txalupak erabiliz 400 kilometro egin zituzten. Bergarar batek parte hartu zuen jaitsieran.
Kalean jarriko dituzten egitarauetan DJ Mitxiren eta DJ Danielsen musika saioak iragartzen dituzte, baina ez dakite posible izango den, ordu berean pilotalekuan Gabonetako kontzertua dago-eta.
Kayak festa bukatzeko sari banaketa ekitaldia egingo dute, 23:45ean.
Eskola kiroleko jardunaldia
Bestalde, Labegaraieta kiroldegi atzeko errekako eslalom gunean egingo dute jardunaldia, 13:00etatik 18:00etara. Kayak eta txalupekin ibiliko dira. Bestalde, eguraldi ona egiten badu, kiroldegi aurreko kantxan askotariko jokoak egingo dituzte; besteak beste, tirolina jarriko dute. Eskola kirolean diharduten guztiak daude gonbidatuta.