Udalak kamioiak aparkatzeko gunea egokitzeko asmoa dauka. Metagra lantegiaren ostean dagoen orubean egokituko du aparkaleku hori.
Orube hori Metagra lantegiak erabili izan du azken urteetan, baina Udalarena da. 2001 urteko azaroan sinatutako hitzarmenaren bitartez laga zion Udalak orubea erabiltzen Metagra enpresa. Baina dagoeneko ez du behar, eta erabilera berreskuratu egin du modu horretan Udalak, Agurne Barruso alkateak jakinarazi duenez.
espaloi gainetan
Erabilera berreskuratuta, kamioiendako aparkalekua egokitzeko erabakia hartu du Udalak ingurune hura gaizki aparkatutako kamioiez josita egoten delako: "Gauez, batik bat, gaizki lagatako kamioi asko egoten da zonalde hartan. Asko espaloi gainetan aparkatuta egoten dira", azaldu du Agurne Barruso alkateak".
egokitze lanak
Orubeak 1.200 metro karratu inguru ditu eta oraindik egokitzeko dago. Alkateak aurreratu duenez, "aparkaleku gisa txukuntzeko zein lan egin behar diren ikus behar da, aurrekontua egiteko dago... Zenbat kamioirendako lekua duen ere ez dakigu oraindik". Hori guztia oraindik egiteko dagoela aurreratu du alkateak.