'Jose Luis Elkoro Libre' plataforma legeztatzea adostu dute partaideek

Plataforma talde legal moduan eratu gura dute eragin handiagoa izatea lortzeko, ekimenak burutzeko erraztasun gehiago izateko eta plataformaren izaera gardenagoa izateko. Edonor izan daiteke bertako partaide, baina horretarako sinadura eman behar da: zapatuan, ekainak 19, izango da horretarako aukera, hamabitatik ordu batera, herriko plazan; laguntza bonoak erosteko eta Palentziara egindako martxan ateratako argazkiak ikusteko aukera ere izango da bertan. Behin taldea legeztatuta, uztailaren erdi aldera aurkeztu asmo dute.

Hori da esku artean duten asmoetako bat, baina badira beste batzuk: uztailaren 2rako antolatu duten bizikleta martxa, esaterako. Irailaren erdi inguruan ere egin gura dute zerbait, baina zehazteke dago oraindik.

Orain arte egindako ibilbideari dagokionez, Jose Luis Elkoro Libre plataformako kideak oso gustura daude: "Gogotsu ari gara lanean eta gauzak ondo doaz". Bergarako udaletxeko osoko bilkuren aretoan egin zuten bilera atzo, eguaztena. 50 pertsona inguruk parte hartu zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.