Eskaria aurkeztutakoan, hasieran eztabaida politikoa sortu zen; Alderdi Sozialista, lanetan eragin zitzakeen atzerapenak zirela-eta, ez baitzegoen ados. Azkenean, ez-legezko proposamenari egindako erdibideko zuzenketa onartu zuten.
Bi puntu zituen erdibideko zuzenketa honek, eta Aralarrek eskatuta, bananduta bozkatu zituzten. Hala, lehenengoan, Eusko Jaurlaritzari eskatzen zitzaion Bergara-Bergara zatiaren ibilbideak kaltetutakoen ordezkaritza batekin biltzea, urgentziaz eta nahitaezko desjabetzeari buruzko espedientearen tramitazioa hasi aurretik. Legebiltzarkide guztiek aho batez onartu zuten puntu hau.
Bigarren puntuak aldiz, ez zuen hain erantzun bateratua izan. Bertan eskatzen zen bilera hori bideratzeko 2008 urtearen hasierako ibilbidearen adostasunera heltzera, beti ere ibilbide hori atzerapenik gabe eta behar den segurtasun juridikoarekin gauzatu badaiteke. Puntu hau ere onartu zuten, baina kasu honetan, Aralarren eta Ezker batuaren kontrako botoekin.
Aralarren kritikak
Kontu hau dela eta, Aralarrek salatu du EAJk Ahtren inguruko eztabaida interesatua egin duela eta Bergarako lanak bakarrik kontutan hartu izana leporatu diote alderdi jeltzaleari. Aralarretik gaineratu dute, jeltzaleen eskaerak ez duela beste herriekiko elkartasunik adierazten, eta agerian uzten duela maila ezberdinetako herritarrak daudela.