Zazpi hilabeteko lanak
Aretxabaletako Amaral de Sousa enpresa arduratuko da lanak egiteaz, BEB Arkitektoak enpresak egindako proiektuari jarraituta. Lehen faseko lanak abuzturako amaituta egotea aurreikusten da. Aurrekontua 1.379.220 eurokoa da.
Lehen fase honetan, Usoa tabernako kantoitik Gaspar jatetxera bitartean urbanizazio lanak egingo dituzte. Bigarren fasean Irizar jauregiko lorategian lanak egitea aurreikusten da eta hirugarren fase baterako Usoa eta Euxebio II tabernetako terraza geratuko litzateke.