Gauzak horrela, ordura arte egindako lanak tapatzea erabaki zuen Udalak apirilean, berriro lanekin hasi bitartean, dendariengan eta herritarrengan sortutako kalteak konpondu nahian, nolabait. Izan ere, euren haserrea azaldu zuten hainbat dendarik, eragozpenak zirela eta.
Kilometroen ondoren
Aretxabaletako Construcciones Amaral de Sousa enpresari adjudikatu dizkiote aipatutako lanak, 1.379.220 eurotan. Aranzadi Ikastolaren aldeko Kilometroak jaia urriaren 7an ospatuko denez, lanekin hurrengo egunean hastea egokiena dela erabaki dute Udaleko ordezkariek.Bestalde, Martinez de Irala kaleko bizilagunengan eta dendariengan orain arte sortutako kalteak direla eta, berriro lanekin hasi baino lehen, beraiekin bilera bat egiteko asmoa azaldu dute Udaleko arduradunek, lanen nondik norakoak ondo zehazteko. Beraz, datozen asteotan bilera batera deituko dituzte.