Irailean irekiko dute Zabalotegi, formatu txikiko ikuskizunetarako areto izaerarekin

Bi hilabete eta erdi dira Zabalotegiko aretoa egokitzeko lanak hasi zituztela eta, udal arduradunen esanetan, "martxa onean doaz". Dagoeneko saneamendu berria egin dute, eta baita barruko pareta zaharrak bota eta berriak altxatu ere: "Orain, igeltserotza lanei ekingo diete; pladurrarekin hastekoak dira", esan du Udaleko Obra eta Zerbitzuetako arduradun Xabier Berridik.

Urrian hasi zituzten lanak eta, orain arteko abiadurari eutsiz gero, ekainerako amaituta egongo direla uste dute, aurrez ikusita zuten moduan.


Formatu txikiko ikuskizunetarako aretoa izango da –kontzertu txikiak, antzerkia, ipuin kontalariak, zinema ikuskizunak...– eta 120 bat lagunendako lekua izango du. Bestalde, erabakitzeke dago oraindik zinema proiekzioak edo DVD formatukoak egingo dituzten; baita aulkiak egonkorrak izango diren ala ez; dena den, litekeena da kendu eta ipintzekoak izatea, aretoari eman nahi zaion askotariko erabilera kontuan izanda.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.