Edozelan ere, instalazioen inguruko kezka azaltzeaz gain, datorren urterako asmoak ere azaldu zituen Bergara kirol elkarteak. Hala, elkarteak dituen sail guztietan, futbolean, eskubaloian, saskibaloian eta pilotan, ez dira bazkide kuotak igoko. "Diru aldetik ez gabiltza ondo, baina kuotak ez ditugu igoko. Eta hori, eskubaloi taldeak, Euskadiko txapelketa jokatzeko, 10.000 euroko aurrekontua behar duela", azaldu zuten.
Bergarako jokalariak
Halaber, erregional mailako futbol taldeak, 2006/2007 denboraldian egindako lan kaskarra ikusita, entrenatzaile berria izango du, Manu Diaz. Denboraldi berritako "Bergarako jokalariekin" egingo dute taldea.
Balorazioa
Bergara kirol elkarteko sail bakoitzak urteko balorazioa egin zuen. Hala, eskubaloi sailak, bereziki Euskadiko txapelketa jokatzeko lortutako igoera azpimarratu zuen.
Harrobiko futbol taldeek, urte ona egin dute; gazte mailako mutilek, kopa txapelketa irabazi dute, eta, nesken taldea, Gipuzkoako txapelduna izan da, eta Euskadiko azpi txapelduna.
Pilota sailako arduradunak ere pozik zeuden pilotariek egindako lanarekin: bi txapelketa irabazi dituzte, eta, bost final jokatu dituzte.
Azkenik, saskibaloi taldeen artean, bereziki, senior mailako taldeak egindako lana azpimarratu zuten egubakoitzeko bileran.