Iñigo Arregiren eskultura, pintura eta grabatu lanak batzen ditu Aroztegi Aretoan inauguratu berri den 'Bidean' erakusketak.
Margolanei dagokienez hamabi bat olio pintura daude ikusgai, horietako batzuk tamaina handikoak. Grabatuen atalean akuaforte teknikaren bitartez landutako zortzi lan biltzen ditu erakusketan. Eskulturei eskaini die Iñigo Arregik toki gehien erakusketa horretan. Hamalau eskultura daude ikusgai, artista arrasatearraren azken urteetako ibilbidea islatzen dutenak.
Iñigo Arregiren arte lana Aroztegi museoan izango dugu ikusgai datorren hilaren 16ra arte; astegunetan arratsaldeko seietatik zortzi t’erdiak arte, zapatutan goizeko hamabietatik ordu bietara eta seietatik zortzi t’erdietara eta domeketan goizeko hamabietatik ordu bietara.