Iñigo Alberdik Euskadiko Orkestrako zuzendari nagusi izaten jarraituko du

2006tik da Iñigo Alberdi Euskadiko Orkestrako zuzendari nagusia (OSE); Germán Ormazabal ordezkatu zuenetik, hain zuzen ere. Iñigo Alberdi Soraluzen jaio zen 1973an eta Bergaran bizi izan da. Zuzenbide ikasketak egin zituen eta musika pedagogiako goi mailako titulua ere badauka.

Musika ibilbidea

Easo abesbatzako partaide izan da eta hainbat piano kontzertu eman ditu. Baita Bergarako Orfeoiarekin. 2001. urtean, Donostiako Musika Hamabostaldiak Arantzazun antolatu zituen ekintzen zuzendari izan zen.

Azkoitia, Bergara eta Azpeitian egiten den Organo Erromantiko Zikloko arduradun teknikoa da. Hala, musika kritika egiten du eta Eusko Ikaskuntzako musika arloko bazkide da.

Gainera, EAJ-EA koalizioko kultura zinegotzia izan zen Bergaran 1999 eta 2003 bitartean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.