Inauguratuta gelditu dira Bergarako goiko estazioko musika lokalak

Egubakoitzean egin zuten Bergaran Goiko Estazioko lokal berrituaren inaugurazioa. Maiatzetik, baina, bertan entseatzen dihardute 22 musika taldek. Ordu beteko denbora tartea izan zuten taldeek, kanpoan saio txiki bat eskaintzeko. Goiko Estazioko lokaletan entseatzen duten talde guztiek jotzeko denbora gutxi, eta horietatik lauk jo zuten.

Nahiz eta beroaren eraginez une txarrak igaroko dituzten –bero handia egiten du lokaletan–,    nabari da gustura daudela, eta eraberritu bariko lokaletako baldintzak nabarmenki hobetu direla. Gelan intsonorizatuta daude (ezinbestekoa rock musika egiten den lokaletan), egitura ere lehengoa baino egokiagoa da, eta gainera, orain, komunak ere badituzte. Egubakoitzeko inaugurazioan, ez zuen jende gehiegik parte hartu, baina ez zuten hutsik egin udaletxeko ordezkariek. Guztiek, lagun
giroan, lunch eder batez gozatu zuten kontzertuen ostean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.