Ekainaren 11n amaitu zen Ibargarai kaleko 17. zenbakian dauden 56 aparkalekuen eskaera orria udaletxera eramateko epea. Eskaera epea amaituta, guztira, zazpi eskaera baino ez dira jaso udaletxean. Hori horrela bigarren deialdi bat egingo dute.
Agurne Barruso alkateak adierazi duenez: "Izena eman nahi zuten asko kanpoan gelditu dira, zozketan parte hartzeko baldintzak betetzen ez zituztela uste zutelako; beharbada, baldintzak ez dira ondo ulertu, eta hori izan daiteke arrazoia". Horregatik, eskaera egin duten zazpi horien artean lehen zozketa egingo da –oraindik data zehaztu gabe dago– eta bitartean, baldintzak malgutzen eta zehazten saiatuko dira, eta data berri bat ipiniko dute, lehen deialdi honetan izena emateko aukerarik izan ez dutenek, aukera hori izan dezaten. Data berria, datorren astelehenean, hilak 30 izango den osoko bilkuran zehaztuko dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak