Gaia eta lanketa
Bergarako Udalak herritarren hizkuntza eskubideak bermatzeko programa bat jarri zuen martxan aurten irailean. Programa honen barruan, herritarrek aukera dute zenbait tokitan jarritako kutxetan beren kexak, iradokizunak zein zorion-mezuak agertzeko. Programa horrekin lotuta, Euskararen Egunean, hizkuntza eskubideen gaineko tailerra antolatu du udalak Hizkuntza Eskubideen Behatokiarekin batera.
Saio parte-hartzailea izango da eta bertan hiru ideia nagusi landuko dira:
- Euskal Herri osoko euskaldunok, munduko hizkuntza-komunitateetako kideok, eskubide berdinak ditugula,
- euskaldunok hizkuntza-komunitatea osatzen dugula,
- Europan hainbat hizkuntza-komunitate dagoela, eta horrek mapa politikoarekin zerikusirik ez duela eta euskaldunok ere bizi garen tokiaren arabera ditugula aitortuta hizkuntza-eskubideak.
Halaber, tailerrean hizkuntza-eskubideen urraketen inguruko ariketa praktikoa egingo dute. Horretarako, Behatokiak jaso dituen hainbat kasu errealen azterketa jorratuko dute, besteak beste, hizkuntza-eskubideen urraketen dimentsioaz jabetzeko.