Hitzarmena sinatu dute San Joxepe elkarteak eta udalak

Apirilaren 1ean, eguaztena, sinatu zuten hitzarmena udaletxean. Hitzarmenean jaso dute San Joxepe egoitzako leku batzuk hirugarren adinekoei zuzendutako Gizarte Zerbitzuetako jardueretarako erabili ahal izatea. Bi aldeek egoki ikusten dute, orain arte egin duten moduan, talde horrendako antolatzen diren jarduerak egiteko leku izatea egoitzako zati bat. Hala, San Joxepe elkarteak kudeatuko luke leku hori.

San Joxepe egoitzan honako ekintzak egiten dira:

  • Jolasak
  • Bidaiak
  • Mendi ibilaldiak
  • Yoga ikastaroak
  • Pintura
  • Eskulanak
  • Informatika

Bestalde, ahots mistoen abesbatza ere sortu dute herriko jai ezberdinetan abesteko.

Ekintza hauek guztiak beste zenbait zerbitzurekin osatzen dira: ile-apaindegia, podologia, taberna eta jatetxea.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.