Tokian Tokiko Estatu Fondoko diru laguntzen ondorioz, hiru proiektu egingo ditu Udalak 2009an barrena. Batetik, Bideberri-Zubieta eremua urbanizatuko du; bestetik, Bolu auzoko irisgarritasuna hobetzeko lau igogailu jarriko ditu eta azkenik, Domingo Iralako 2. faseko lanak ere egingo dituzte, hau da, Irala San Martin plazarekin lotzeko aldapa eta Usoa eta Eusebio tabernetako terraza egokitu egingo dituzte.
Hala, proiektuon gaineko informazioa emateko asmoz, batzarra deitu du Udalak biharko martitzena. 19:30ean izango da, osoko bilkuren aretoan eta Udaletik azpimarratu nahi dute batzar irekia dela eta interesa duen herritar orok parte hartu ahal izango duela.