Antzezlana haurtzaindegi batean girotuta dago. Istorioak kontatzen du haurtzaindegi bateko jabeak eta langileak neskato bihurri batekin duten harremana.
Neskatilari ezin diote neurria hartu eta gainera, gainontzeko umeen zainketa zailtzen du. Edozelako trikimailuak erabiliko dituzte neskato deabrua mendean hartzeko, eta azkenean konturako dira haurrak maitasun falta izugarria duela.
Aktoreen lana eta txotxongiloak uztartzen ditu Zer duzu negarren, Marie? lanak. Taularen gainean lanean ibiliko diren aktoreak izango dira: Ana Meabe eta Javi Renobales. Txotxongiloekin, Eider Eibar ibiliko da.
Testurik gabeko lana da
Batez ere, 5 eta 12 urte bitarteko haurrendako moduko lana da zapatuko antzezlana. 55 minutu inguru irauten du, eta esan behar da testurik gabeko antzezlana dela. Tragikomedia bat den arren, umoreak protagonismo handia du lan guztian zehar.
Jokin Oregi da obraren zuzendaria eta baita egilea ere. Marie de Jongh talde euskalduna nahiko berria da antzerki munduan; euren lanak familia guztiari zuzendutakoak izaten dira. Esan behar da taldeak hainbat sari irabazi dituela Zer duzu negarrez, Marie? lanarekin.