Domeka goizaldean ezezagun talde batek hori eta gorri koloreetako pinturaz betetako arrautzak bota zituen Bergarako alderdi sozialistaren egoitzaren kontra eta, ondorioz, fatxada eta barruan zegoen bezero baten arropa zikindu zituen pinturaz. PSE-tik erasoa gaitzetsi dute.
Hala eman du jakitera PSE-k prentsa ohar baten bidez, eta gaineratzen du ez dutela "ulertzen nola egon daitezkeen era basati horretan biolentzia praktikatzen duten gazteak". Prentsa-ohar bidez azaltzen dutenaren arabera, "alderdi sozialistako kideak beldurtzeko saiakera bat gehiago da hori, baina alferrik dabiltza", eta dei egiten diete gainerako alderdi politikoei biolentziaren kontra bat egin dezaten.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.