Goizaldean heldu da Aittor Arantzabal Bergarara

Gaur goizaldean, 02:30ak aldera, heldu da Aittor Arantzabal bere herrira, Bergarara. Senideek, lagunek eta beste bergarar askok harrera egin zioten Arranoaren parean, heldu zenean.

Batasuneko mahai nazionaleko kide izateagatik espetxeratu zuten Aittor Arantzabal eta atzo, egubakoitza, epaileak jakinarazi zuen 50.000 euroko fidantzapean aske uzten zuela.

Familiak fidantzako dirua batu eta Navalcarnero espetxeruntz jo zuen. Familia bertara heldu eta oso denbora gutxira, 20:45 aldera, Arantzabal aske utzi zuten.

Bestalde, ezker abertzaletik jakinarazi dute auzi beragatik espetxean dagoen Mikel Garaiondo ere astelehenean aske utziko dutela, baldin eta fidantza ordaintzen badute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.