Atzo gauean, 23:20ak inguruan, partikular batek Ertzaintzara deitu zuen bere bizilagunen oihuak eta negarrak entzuten zituela, eta erasoren bat egon zitekeela esanez.
Ertzainak esandako helbidera iritsitakoan emakume bat topatu zuten lepoan eta bularraldean gorriuneak zituela, emakumearen esanetan bere senarrak eraginda. Hori ikusita, 27 urteko gizonezkoa atxilotu zuten, emakumeen kontrako indarkeria egotzita.