Gipuzkoako Foru Aldundiak 1,1 Milioi jarriko ditu Amillagako biribilgunea egiteko

Guillermo Ibargoyen S.A. enpresak egingo ditu Amillagako biribilguneko lanak. Horretarako bost hilabeteko epea izango du. Proiektu horren arabera, gaur egun dagoen bidegurutzean biribilgune berri bat egingo da.

Gipuzkoako Foru Aldundiak 1,1 milioi euro jarriko ditu Elgetako lotuneko GI-627-46-1 bideadarrean gaur egun dagoen bidegurutzearen ordez biribilgunea egiteko, Amillagako eremuan, Bergaran. Bide Azpiegituretako Departamentuak Amillagako biribilgunea egiteko obren ardura Guillermo Ibargoyen S.A. enpresaren eskuan utzi du. Guztira, 1, 1 milioi euroko aurrekontua eta bost 5 hilabeteko epea izango du enpresak.

Proiektu horren arabera, gaur egun dagoen bidegurutzea, Bergarako Amillaga kaleak lehentasuna ezarrita duena, ordeztu eta biribilgune berri bat egingo da. Biribilguneak lau adar nagusi eta bigarren mailako sarbide bat ditu: geometria oboidea eta 47 eta 51 metro bitarteko kanpoaldeko diametroa. Zirkulazio eraztunak bi lerro ditu, 4 metro zabal bakoitza, eta erdiko irla ere oboidea da, 15 eta 20 metroko erradioak dituena.
 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.