Gaztetxoen arteko topaketa egingo da bihar

Dena prest dago bihar egingo den Gazte Topaketa egunerako. 40 lagunek izena eman dute egunean zehar egingo diren jolas ezberdinetan parte hartzeko. 11:00etan Munibe plazan hasiko dira lagun arteko herri kirolak. Ondoren, paella prestatzeari ekingo diote eta gazteek beraiek prestatutako bazkari goxoa jan. 17:00etan berriro ere jolas ezberdinetan jarraituko dute. Udalak mahaiak eta sua jarriko ditu eta gazteek paella prestatzeko osagarriak eraman beharko dituzte. Egarria kentzeko ura eta postre goxorik ere izango dute parte hartzaileek. Izen emateko epea bukatu den arren ikusle eta animatzaile lanetan edonork parte hartu ahal izango du.