Jardun euskara elkarteak, udaleko hainbat departamendutako ordezkariek, kale hezitzaileek eta Xipizaro elkarteak hartu dute parte Bergaran lehen aldiz egingo diren gazte topaketak antolatzen.
12 eta 16 urte bitartekoentzat, bergararrak edo Bergaran ikasten dutenak beharko dute izan.
Ekintza ezberdinak
Apirileko egubakoitzetan egingo dituzte ekintza desberdinak, eta guztiei ere arratsaldeko 5etan emango zaie hasiera.
Apirilaren 4an esaterako, Graffiti eguna ospatuko dute, Labegaraietan.
Apirilaren 11n izena ematen duten taldeek patata tortillak egingo dituzte eta ondoren afari merienda egingo dute. Ekintza hau gaztetxean egingo dute
Apirilaren 18an, patinaje eguna antolatu dute. Labegaraietako kanpoko gunean egingo dute ekintza hau ere.
Apirilaren 25erako, argazki rallya antolatu dute.
Izena emateko
Gazte Topaketa hauetan izena emateko epea martxoaren 13an amaitzen da. Norbere ikastetxean eman beharko du izena. Taldeak, gehienez, 6 pertsonakoak izango dira eta taldekideen adina 12 eta 16 urte bitartekoa izango da.
Gazte topaketetan parte hartzen duten talde guztien artean zozketa bat egingo da eta zozketan ateratzen den taldeak multiabentura parkera irteera irabaziko du.