Oinarriak
1.- Bergarako Gazte informazio guneko 2009ko Egutegiaren Diseinuaren deialdia egin da, urtero zerbitzua ezagutarazteko kaleratzen diren egutegien diseinua berritzeko asmoz.
2.- Lehiaketan, Bergaran ikasi, lan egin edo bizi diren 14 eta 35 urte bitarteko gazteek parte har dezakete, banaka nahiz taldeka.
3.- Diseinuen kartelak, kolore eta teknika libreaz, 50 x 35 zm-tako kartoizko oinarri baten gainean aurkeztuko dira.
4.- Testua euskaraz agertu beharko da (derrigorrezkoa testua: "Bergarako Gazte Informazio Gunea").
5.- Lanak, Bergarako Gazte Informazio Gunean edo Kultura Zerbitzuan aurkeztuko dira (Bergarako Kultura Etxean). Aurkezteko epea 2008ko azaroaren 14an arratsaldeko 20:00tan bukatuko da.
6.- Egilearen nortasuna azaldu gabe eta atzealdean ezizen bat dutela aurkeztu behar dira kartelak.
Sobre itxi batean, datu hauek azalduko dira:
Sobrearen azalean: Ezizena.
Sobrearen barnean: izen-abizenak, NAN-aren fotokopia eta telefonoa.
7.- Kartelaren irabazleak, edo talde-irabazleak (taldean aurkeztuz gero) 300 euroko saria jasoko du. Baliteke saririk ez ematea, epaimahaiak gutxieneko kalitaterik ez dagoela ikusten badu.
8.- Sarituriko Kartela Bergarako Udalaren jabetzapean geratuko da eta argitaratzeko, eraldatzeko, zabaltzeko eta abarretarako eskubide guztiak gordeko ditu.
9.- Epaimahaia Udaleko Kultura Sailak izendatuko du.
10.- Udalak egoki ikusten badu, erakusketa egin ahal izango du aurkeztutako diseinu-kartelekin, bere garaian adieraziko den leku eta egunetan.
11.- Lehiaketa honetan parte hartzeak OINARRI hauek onartzea dakar ezinbestean.