Gazte eta heldu ugari batu zituen saskibaloiaren gaineko mahai-inguruak

Migel Altuna institutuko mahai-inguruan batu ziren Miguel Santos Gipuzkoa Basket taldeko presidente ohia, Pablo Laso talde bereko egungo entrenatzailea, Ander Gartzia bergararra eta Alicante saskibaloi taldeko jokalaria, eta Gerardo Puente kazetaria. Azken hori moderatzaile lanetan aritu zen.

Saskibaloia izan zuten hizpide eta, besteak beste, talde bat sortzeko behar diren elementuei buruz jardun zuten; izan ere, Migel Santosek Gipuzkoa Basket taldea sortu zuen hutsetik, eta mahai-inguruan batutakoei sortze prozesuaren gaineko xehetasunak azaldu zizkien.

Babeslea eta aurrekontua dira Santosen arabera, elementu garrantzitsuenak talde bat sortzerako orduan, eta ezinbestekoak aurrera egin ahal izateko. Horregatik, babesleen ekarpena azpimarratu zuen, eta ildo horretan, Bergarako saskibaloi taldeak dituen 21 babesleak txalotu zituen.

Ander Gartzia, Alicante saskibaloi taldeko jokalaria

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.