Gazte bat atxilotu dute ustez lapurretak egiteagatik

Domeka goizean, 16 urteko gazte bat atxilotu zuen Ertzaintzak ustez, zenbait auto eta komertziotan kalteak eta lapurretak egiteagatik. San Lorentzo auzoko zenbait bizilagunek, atzo goizeko zazpietan Ertzaintzari eman zieten abisua. Gaztea atxilotu eta Gipuzkoako Gizarte Zerbitzuen kargura utzi dute.

Ertzaintza San Lorentzo auzora gerturatzean, gaztea ikusi zuten ustez lapurtutako monitore bat eskuan zuela. Gazteak monitorea bertan behar utzi eta ihes egiten saiatu zen. Ertzaintzak adierazi duenez, kaltetutako hiru autoa ikusi zituzten inguruan. Gaztea miatu ostean, ustez lapurtutako zenbait material ere jaso zizkioten. Ustezko lapurretan izan dituzten komertzio eta autoen jabeek,  salaketa jarri dutela dio Ertzaintzak.

Ertzaintzak azaldu duenez, 16 urteko gaztea atxilotu eta egin beharreko tramiteak eginda, Gipuzkoako Gizarte Zerbitzuen kargura utzi dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.