Gazta dastatze ikastaroa egingo dute Kultur Etxean irailaren 6an

Arritxu Barruso 2007ko abu. 28a, 16:20
Urtero moduan, aurten ere, gazta dastatze ikastaroa egingo dute Bergaran. Irailaren 6an izango da Kultur Etxean eta bi ordu inguru iraungo ditu. Idiazabalgo Jatorrizko Izenduraren Elkarteko kide den Bittor Rodriguez izango ikastaroa emango duena.

Gazta zaleek gazta ugari dastatzeko aukera izango dute eta era berean probatutako gazta guztien ezaugarriak aztertzen ikasiko dute. Idiazabalgo Jatorrizko Izendura daukaten gaztak izango dira aztertuko dituztenak; saporea, testura edota usaina dira kontuan hartu beharko dituzten puntuetariko batzuk.

Ikastaroa doan izango da eta interesa dutenek Bergarako Kultur Etxera deitu besterik ez dute egin behar. Esan beharra dago bailarako herritar guztiek parte hartu dezaketen arren Bergarako herritarrek lehentasuna izango dutela. Parte hartzea mugatua baita, 25 pertsonak bakarrik izango dute gazta dastatze ikastaro honetan parte hartzeko aukera.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak