Erromeria eta azoka
Bihar, zapatua, 12:00etan, gaztetxoendako zezentxoak eta zalditxoak egongo dira Gure- Ametsa elkarte ondoko plazan. Arratsaldean, berriz, mus txapelketa eta 16:30ean, Honorio Agirregabiriaren omenezko 72. txirrindulari lasterketa. Ondoren, 18:00etan, kalejira egongo da trikiti eta buruhandiekin. Txirrindulari lasterketako eta mus txapelketako irabazleei sariak eman eta gero, 20:00etan Gure-Ametsa elkarteak antolatutako afari-merienda egongo da, sagardo, ardo, sardina eta solomoarekin. Ondoren, giroa animatzeko erromeria egongo da, elkartearen ondoko plazatxoan Itziarko Uriarte anaiekin.
Domekan, berriz, 11:00etatik 14:00ak arte azoka egongo da. Nahi duen edonork gauzak saldu, erosteko edota elkar aldatzeko aukera izango du: liburuak, diskoak, koadroak, eskulanak, filatelia... Halako azoka bat antolatzen duten lehen aldia da.