Gaur hasi eta hilaren 27ra arte, Bergarako emakume elkartearen erakusketa izango da Aroztegin

BEKE, Bergarako Emakume elkarteak eskulanen erakusketa irekiko du gaur, arratsaldeko 6etan. Erakusketa hilaren 27ra arte egongo da zabalik Aroztegi aretoan.

Denetarik egiten dute BEKE elkarteko emakumeek: "Ez dugu espezializazio jakin bat, denetariko eskulanak egiten ditugu: zaharberritze lanak, pintura, kristala margotu, birziklatu... erakusketan denetarik ikusteko aukera dago", gaineratu digu elkarteko Koro Iraegik.
Erakusketan, azken urte honetan egindako lanak egongo dira. Aurten, baina, emakume gutxiago ibili da ikastaroan.
Aroztegi aretoa martitzenetik egubakoitzera irekiko dute, 18:00etatik 20:30etara. Zapatuan 12:00etatik 14:00etara eta 18:00etatik 20:30etara. Domekan goizez bakarrik irekiko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.