Berbalagun egitasmoko 11 lagun Leintz Gatzagan izan ziren duela bi zapatu. Arrasateko Zahar Berri egitasmoko kideekin batera joan ziren.
Batetik, mendian barrena ibilbidea egin zuten eta bestetik, Gatz museoa ikusi zuten: autoz Gure Ametsa jatetxeraino joan ziren eta han Arrasateko Zahar berriko kideak eta Leintz Gatzagako gida turistikoa zituzten zain. Autoak han lagata, Hiru erreketara hurbildu ziren. Gero, baserrietan barrena Dorletako ermitaraino heldu ziren. Bukatzeko, Gatz museoa ikusi zuten eta baita ogitarteko ederra jan ere, lagunartean.
Masaje ikastaroa
Jardun elkarteak masaje ikastaroa antolatu du. Ekainaren 4an, 11n, 18an eta 25ean izango da, 19:00-21:00 ordutegian, Aranzadi ikastolako psikomotrizitatea gelan eta eskolak emango ditu Alaitz Badiolak.
Izenematea da hilaren 28a baino lehen, Jardunen bulegoan (kultura etxea) edo 943 76 36 61 telefono zenbakian. Prezioa da 17 euro bazkideendako eta 20 gainerakoendako.