Garikoitz Arregi Titan Desert mendiko bizikleta proban esku hartzen dabil, Saharan

Garikoitz Arregi bergararra Nissan Titan Desert mendiko bizikleta lasterketan esku hartzen dabil, Afrikan. Gaur, eguaztena, hirugarren etapa korritzen dabiltza, eta aurreko bietan egindako lanari esker Bergarakoa 100. postuan dago sailkapen nagusian. Ostiralean amaituko dute lasterketa, desertuan ia 500 kilometro egin eta gero.

Abentura ederrean dago murgilduta Garikoitz Arregi bergararra, Nissan Titan Desert proban esku hartzen dabil-eta, Marokoko Atlas mendiak eta desertuak zeharkatzen dituen mendiko bizikleta proban. Gaurko etapan Alnif eta Boulmane arteko 100 kilometroak egingo dituzte, atzoko etapan egindako lanari esker bergararra 101. postuan helmugaratu zen, Ondrej Fojtik eta Roberto Herasetik –lehenengo biak– ordubetera.

Ikusgarria eta gogorra da Nissan Titan Desert proba, eta beste edizio batzuetako erretratu eta bideoek erakusten dute hori.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.