Euskararen kaleko erabileraren neurketaren txostena kaleratu du Euskara Zerbitzuak

Bergarako Udaleko Euskara Zerbitzuak kaleratu du 2007ko kale neurketaren gaineko balorazioa. Hala, hemen duzue azken urteetakoak oinarri hartuta, kaleratu duten balorazioa:

2007ko kale neurketako balorazio laburra

Alde positiboan, bereziki, helduetan gertatzen ari den pausoz pausoko igoera da aipagarri. 2007ko emaitza 2006koa baino baxuagoa izan den arren, emaitza ona izan da bataz bestekoarekin konparatuta. Badirudi, gainera, igoera hori antzematen dela haurren presentziarik gabeko kasuetan ere. Era berean, nahiz eta azken bi urteak salbuespenak izan, alde positiboan nabarmentzekoa da neska gazteek (%15-24 urte bitartekoek), duten erabilera-maila altua % 55 ingurukoa dela.

Bestalde, alde negatiboan Zubiaurre-San Antonio-Labegaraietan agertzen den erabilera baxua.

Nabarmentzekoa beste puntu batzuen artean, berriz, hauek aipa genitzake:

  • Haurren presentziak beste adin-taldeen erabileran duen eragina: haurrekin dihardutenean, beste adin-tartekoen erabilera nabarmen igotzen da, urte batzuetan haurren arteko erabilera-mailara iritsi eta gainditzeraino.
  • Aurreko 3 urteetako neurketetan umeen erabileran goranzko joera izan zen arren, aurten emaitza apala eman du eta badirudi geldituta dagoela.
Hemen 2007ko kale neurketaren balorazio osoa

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.