Irabazleak
Cala
Maximo
Metroa
246 argazki jaso dituzte aurtengo ekitaldian, 130 koloretan eta 116 zuri-beltzean. Luis Madinak (Elorrioko Argazkizale Taldea), Isabel Diezek (Gipuzkoako Argazkilari Taldea) eta Ubaldo Moreno argazkilariak osatu dute epaimahaia. Gainerako sarituak honako hauek izan dira: zuri-beltzean Jose Agustin Gurrutxagak eraman du bigarren saria (Laino artean lanarekin); Josu Garai legazpiarrak hirugarrena (Tarifa I) eta Bergarako onena Unai Ziarsolo izan da (Metroa). Koloretan, Benito Canterorentzat izan da bigarren saria (Izotza); Fernandez Ferrerasek hirugarrena eskuratu du (Stop) eta herriko onena, azkenik, Gurrutxaga izan da (Poesía blanca).
Sari banaketa ekitaldia hurrengo egubakoitzean, hilaren 30ean, egingo dute Aroztegi aretoan, 20:00etan.
Erakusketa, gaurtik
Bestalde, gaurtik, egubakoitza, erakusketa jarriko dute ikusgai Barrenkaleko Aroztegi aretoan bertan. Lehiaketara aurkeztutako 44 lan jarriko dituzte, ekainaren 1era arte. Aroztegi ondoko ordutegian izango da zabalik: martitzenetik egubakoitzera 18:00etatik 20:30era; zapatuetan, 12:00etatik 14:00etara eta 18:00etatik 20:30era; eta, azkenik, domeketan goizez, 12:00etatik 14:00etara.