Euskal Herriak Bere Eskola ekimenak Bergara aukeratu zuen zapatuan ikasturte berrian izango dituzten helburuak azaltzeko. Eta, Bergara aukeratu izana ez da kasualitatea: "Azken hilabeteotan hezkuntza mailako arazoa sortu da Bergaran, herri giroa nahastu eta San Martin eta Aranzadi Ikastola parez-pare jarri dituena. Guk Euskal Herri osoan kalitatezko hezkuntza euskaldunaren alde egiten dugu; ez ditugu Eskola Publiko euskalduna eta Ikastola mokoka ikusi nahi, ez dugu uste proiektu horren ezberdinak direnik", azaldu zuen ekimeneko koordinatzaile Ibai Redondok.
Baikortasunez
Horrekin batera, EHBE ekimenekoak baikor dira ikasturte berriaren aurrean. "Historikoa", horrela izendatu zuten aurtengo ikasturte amaiera, orduan onartuko dute-eta Euskal Curriculuma. Horrekin batear, Euskal Unibertsitate propio batean alde eta eskolaren bidez ikasleria euskalduntzea bermatuko duen proposamenaren alde agertu ziren.
Beste hausnarketa askoren artean, joan den ikasturtean egindako 3. Nazio Mintegietan adostutakoa praktikan jartzeko ordua dela adierazi zuten, aurtengoa "Hezkuntza Sistema Nazionalaren ikasturtea" izan dadin lan egingo dutela, eta aldarrikapena errealitate bilakatzen ari direla gaineratu zuten.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
