Euskal arrazako animalien gaineko argazkiak ikusgai

Marisol Yabenek (Hernani, 1947) tamaina handiko 21 erretratu jarri ditu. Erakusketa ikusgai dago azaroaren 10era arte; hain zuzen ere, astelehenetik egubakoitzera 18:00etatik 21:00etara; eta, zapatuetan 12:00etatik 14:00etara.

Euskal arrazako animaliak dira protagonistak kultura etxean dagoen erakusketan, besteak beste, euskal txerria, Gorbeiako txakurra, Pireinaica behiak eta Betizuak, euskal oiloen hainbat mota, Latxa ardiak eta Enkarterrietako Villano arrazako txakurrak ikus daitezke argazkietan.

Argazkiak testuarekin

Argazki bakoitzaren alboan arrazaren gaineko datuak jarri ditu. "Arraza bakoitzaren ezaugarriak, argazkia non egin dudan,  eta euskal arraza horrek duen egoera zehaztu ditut. Ikusleak harritu egingo dira, arraza asko galtzeko arriskuan daude-eta", esan digu Yabenek

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.