Arratsaldean euri zaparrada handiak izan ditugu. Ondorioz, arazo txiki batzuk sortu dira errepideetan. Ez da zirkulazio arazorik egon, baina Aldundiko langileak hiru gunetan garbiketa lanak egin behar izan dituzte. Arretaz gidatzeko gomendio egin dute Herrizaingo Sailetik, baita puntu horietan abiadura moteltzeko ere.
Ur poltsak hiru puntutan
Hiru abisu jaso dituzte Herrizaingo Sailean. Lehenengoa Bergaratik Elgetarako bidean ur putzuak sortu direlako. Basalgoko bidegurutzean, G-2638 errepidean, hain zuzen ere.
Beste bi abisuak Bergaratik Arrasaterako errepidean sortutako ur-putzuak direla-eta jaso dituzte. Bata, San Prudentzioko biribilgunearen inguruan eta bestea zertxobait aurrerago. Foru Aldundiko langileak errepideak garbitu dituzte eta uneotan ez da zirkulazio arazorik.