Espoloia eta Ibargarai arteko errepide berriarekin hasi dira

Espoloia eta Ibargarai kaleak lotuko dituen errepide berria egiten hasi dira. Ibargarai kalean bukatzear dauden bi etxebizitza blokeen urbanizazio lanen barruan dago errepide berri hori. Azpeitiko Xaxarki enpresa ari da lanak egiten eta, hango ordezkarien esanetan, uda baino lehenago zabaldu nahi dute.

Ibilgailuak, goitik behera 

Errepideak izango duen noranzkoa zehazteke dute, baina ibilgailuak goitik behera, Espoloitik Ibargaraira, pasako dira, ziurrenik; Arrizuriagatik igoko dira, eta errepide berritik jaitsiko dira.
Errepide horrez gain, baina, aldaketa gehiago ere egingo dituzte inguru horretan. Arrizuriaga parke ondoan dagoen bistako adreilu gorriak dituen etxe bakarra, adibidez, bota egingo dute, eta oinezkoendako bidea egingo dute. Horrekin batera, Arrizuriaga parkea bera zabalik egongo den edo ez oraindik erabakitzeke dutela esan du Josean Etxeberria Hirigintza zinegotziak. Horko jauregian egongo da, bestalde, UNED ikastetxea, obrak egiten dauden bitartean, eta herriko liburutegia hor egiteko asmoa ere badu Udalak. Bitartean, Sukiak eta Goituk datozen asteotan entregatuko dituzte Ibargariko etxe horietako giltzak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.